падзеі
[Падзеі: конкурсы, мерапрыемствы, перамогі, знакамітасці, мода, тэндэнцыі]
Фінал XIX Нацыянальнага конкурсу "Міс Украіна 2010" прайшоў у Кіеве.
Перамогу ў конкурсе, абыйшоўшы 25 удзельніц, атрымала 20-гадовая адэсітка Кацярына Захарчанка. Ёй дастаўся галоўны прыз - карона вартасцю 250 000 еўра. Кацярына вучыцца ў Міжнародным гуманітарным інстытуце на факультэце эканомікі і мэнэджменту па спецыяльнасці "мэнэджэр знешнеэканамічнай дзейнасці".
Тытул Першай віцэ-міс атрымала Наталля Сытнікава (21 год) з Краматорска.
Другой віцэ-міс стала дзяўчына з Вінніцы Юлія Стратэгапула (19 гадоў).
"Міс гледачовых сімпатый" названая Ганна Рыбакова (17 гадоў).
У Нацыянальным палацы "Україна" можна было ўбачыць шмат знакамітасцяў. Журы конкурсу ўзначальвала вядомая актрыса Арнэла Муці. Дапамагалі выбіраць самую прыгожую дзяўчыну Ўкраіны галівудскія знакамітасці Памэла Андерсан і Элізабэт Херлі, акцёр Жан-Клод Ван Дамм, прэзідэнт Міжнароднага Адэскага кінафестывалю Вікторыя Цігіпка, старшыня камітэта "Міс Украіна" Сяргей Мацяш, вядучы тэлеканала "Інтэр" Алег Панюта і дараднік Прэзідэнта Ўкраіны Віталь Жураўскі.
Для госцяў вечара спявалі Крыс Норман, Ірына Білык, Вольга Гарбачова і Вера Брэжнева (яна ж вяла конкурс разам з Іванам Ўргантам).
Украінскі навінавы партал ФОКУС адзначае цікавую дэталь: Кацярына Захарчанка стала ўдзельніцай конкурсу літаральна за два дня да фіналу, да гэтага ўдзельніцай №10 была кіяўлянка Крысціна Быкава. Аднак яе па неагучаным прычынам зняло з конкурсу мадэльнае агенцтва, у якім яна працуе, а замест яе даслала замену - Кацярыну Захарчанку.
Для інфармацыі: пераможцы конкурсу апошніх гадоў -
2004 г., ХIV конкурс — Леся Матвеева (г. Кіеў)
2005 г., ХV конкурс — Юлія Пинчук (г. Нававалынск)
2006 г., XVI конкурс — Вольга Шылаванова (г. Харкаў)
2007 г., XVII конкурс — Ліка Роман (г. Ужгарад)
2008 г., XVIII конкурс — Ірына Жураўская (г. Кіеў)
2009 г., XIX конкурс — Яўгенія Тульчэўская (г. Днепрапятроўск)
Фота - афіцыйная сайт конкурсу
[Славянская прыгажосць] Па матэрыялах інфармацыйных агенцтваў